Osservatorio per la salvaguardia della Valle Olona

Domà Nunch

www.eldraghbloeu.com

www.domanunch.org

COMUNICAA DEL 5 DICEMBER 2008. Lorenz Banfi: "Adess el president de la Provincia Dario Galli el gh'ha de dì la soa in su la question Kataoil"

Adess basta! El disom con tutta la fòrza che gh’hemm in còrp. Oramai se ne fregom di bei paròll, di bei discors in su di impiant che inquinennòperchèanòrmaghemancaria. Basta cont el sfruttament indiscriminaa de la nòstra Terra! Basta cont i giughett e con chi giuga con la qualità de la nòstra vita.

Nun sentom nò el bisògn de alter impiant in di nòst part. Nun voeurom che certi obbròbri sparissen de la vista de chi traversa la vall de l’Olòna. Pretendom che i nòster amministrador tutelen i nòster acqu, i nòster bosch, la nòstra Terra. Se de nò, gh’avarann la piena responsabilità del disaster che ghe vemm incontra. Cred che ghe pòda vess on svilupp infinii e risors infinii l’è pura matteria. Andà innanz in su la strada de la cimentificazion, de la stradificazion, de la distruzion del territòri l’è criminal.

Per quest nun ve pregom, nun ve domandom, nun ve intimom: desmettee!

Per quest domandom on inconter cont el president de la Provincia de Vares Galli, perchè el se moeuva, perchè el se toeuva a coeur la situazion de degrad de la Vall Olòna e del sò fiumm, comè on Insuber fioeu de la soa Terra el dovaria fà, per impedì alter ruvinn. El gh’avarà inscì occasion de dimostrà quanto che la pò vess util on’istituzion comè quella che lù el presied, quand la se mett, in del guardà lontan, de la part del pòpol, e minga de la part di piccol interess. Che l’intervegna, president Galli, per la soa Terra, per el sò Pòpol. 

Lorenz Banfi, Maester de l'Ass.n Domà Nunch